Inshingano z’ingenzi z'Ishami rishinzwe Kubungabunga Ururimi n'Umuco ni izi:

• Gukora ubushakashatsi mu ngeri zitandukanye: Ikoranyamagambo, Ihangamuga, Ikibonezamvugo, Iyigandimi, Iyigandimi shami, Ubuvanganzo, Amateka ashingiye ku bisigaratongo, Ubumenyi bw’abantu,  n’Umurage ufatika n’udafatika no kubutangaza;
• Gutegura imyiherero, inama nyunguranabitekerezo n’ibiganiro ku bushakashatsi ku Rurimi, Umuco n’umurage;
• Gukora ku buryo ibyagezweho mu bushakashatsi bitangazwa bikanasakazwa;
• Gutanga inama ku biboneka byabyazwa umusaruro mu Rurimi, mu muco no mu murage hagamijwe kongera ireme mu bijyanye no kubikorera ubushakashatsi, kubibungabunga no kubiteza imbere;
• Kureba no guteza imbere imishinga yerekeye  Ururimi, umuco n’umurage.
• Guhanga ibikoresho bikwiye  byakwifashishwa mu gukora ubukangurambaga bwo guteza imbere ikoreshwa ry’Ikinyarwanda no gusakaza indangagaciro z’umuco nyarwanda  mu Rwanda no mu mahanga;
• Gukora ibikorwa by’ubukangurambaga ku kuvuga neza Ikinyarwanda no ku gukwirakwiza indangagaciro z'umuco w'u Rwanda binyuze mu miyoboro itandukanye y'itumanaho: Radiyo, TV, Itangazamakuru ryanditse, Itangazamakuru ryo mu ikoranabuhanga n'imbuga nkoranyambaga,…;
• Guhuza ibikorwa by’imyiteguro y’iminsi mikuru n’iminsi mpuzamahanga ku Rurimi n’umuco;
• Gukurikirana ko indimi shami z’Ikinyarwanda zibungabungwa;
• Gutegura ingamba zo guteza imbere inganda z’Ururimi mu Rwanda;
• Gushyira Ikinyarwanda, umuco nyarwanda n’ibijyanye n’umurage mu ikoranabuhanga.